Վավերագրական

Հայրենադարձության մասին որոշեցինք խոսել գրասենյակից դուրս, քաղաքում մի լավ տեղ՝ Բուն ակումբում: Խոսեցինք օվիր այցերից, պատերազմից, խաղաղությունից, հայ մնալուց, հարկայինից, աջից, ձախից՝ մի քիչ արեւմտահայերեն մի քիչ էլ արեւելահայերեն:

Բոլորս պատմություն ունենք, որ սկսվում է Սեպտեմբերի 27-ի առավոտյան։ Արցախի տարբեր շրջաններում բնակված, բնակվող և տեղահանված կանայք վեր են հիշում 44-օրյա Արցախյան պատերազմի սկիզբը և իրենց պատերազմյան իրականությունը։ Ձայնագրությունները` Ջուլիետա Առուստամյանի Քաղաքացիական հասարակության ինստիտուտի հետ համագործակցության շրջանակում կատարված աշխատանքների հիման վրա։

Երևանի կենտրոնից ոչ հեռու գտնվող այս լիճ այցելողները իրենց կոչում են «լճի բնակիչներ», ոմանք 15 տարուց ավել ամեն առավոտ գալիս են լողալու և հարազատ դարձած ընկերների հետ շփվելու: Լճի տարածքում ձեռք բերված ծանոթությունները վեր են ածվել բարեկամության և նոր հյուրեր ընդունելուց զգուշություն են ցուցաբերում, որպեսզի համոզվեն, որ նորեկները նույնպիսի սրտացավությամբ են մոտենում տարածքի խնամքին: *«Լճի բնակիչներ» խնդրանքով լճի գտնվելու վայրը չենք նշում:

Տարիներ ի վեր, գիտակից և ակտիվ քաղաքացիները փորձում են բարձրաձայնել հասարակության առաջ ծառացած, բայց և անտեսված բազմաթիվ խնդիրներ` առճակատվելով պետական կառույցների անտարբերությանն ու երբեմն նաև ընդվզմանը: Հետպատերազմյան Հայաստանում մեծ մակարդակի խնդիրների կողքին քաղաքացիների շարժումները կարծես թե մղվել են հետին պլան` հարթակը տրամադրելով պետականության կորստի և դրա շուրջ առաջացած մտահոգությունների դիսկուրսին: Քաղաքացիներ Սեդա Գրիգորյանն ու Լևոն Գալստյանը մտորում են այս և այլ հարցերի շուրջ:

Այսօրուան մեր իրականութիւնը իրատեսութեամբ գնահատելու համար, անհրաժեշտ է քաղաքական բառագիտութիւնը հանել յուզական պարունակէն ու վերադառնալ քաղաքագիտական սահմանումներուն: Քաղաքագիտութեան եւ միջազգային յարաբերութիւններու դասախօս դոկտ. Ասպետ Քոչիկեան կ՚անդրադառնայ պետութիւն, պետականութիւն, ինքնիշխանութիւն հասկացութիւններու քաղաքագիտական ակունքներուն եւ պատմական ձեւափոխութեան:

Այսօրուան մեր իրականութիւնը իրատեսութեամբ գնահատելու համար, անհրաժեշտ է քաղաքական բառագիտութիւնը հանել յուզական պարունակէն ու վերադառնալ քաղաքագիտական սահմանումներուն: Քաղաքագիտութեան եւ միջազգային յարաբերութիւններու դասախօս դոկտ. Ասպետ Քոչիկեան կ՚անդրադառնայ գաղափարախօսութեան դերին, քաղաքագիտական ակունքներուն եւ պատմական ձեւափոխութեան:

EVN Report-ի «Սփիւռք» խորագրով ապրիլյան թողարկումն անդրադառնում է հայկական սփյուռքի իրականությանը: Մեր օրերում, բացի մշակույթից և հասարակական կյանքից, Հայաստան - Սփյուռք կապող օղակներից մեկը հայկական խոհանոցն է: Ինչպիսի՞ն է այսօր հայկական խոհանոցը, կարո՞ղ է արդյոք այն մերձեցման գործիք դառնալ Հայաստանի ու Սփյուռքի միջև: Արդյո՞ք բավարար կերպով բացահայտված է հայկական խոհանոցը և արդյո՞ք ծանոթ ենք մեր բաղադրատոմսերին: Բանաստեղծ, հաղորդավար Սոնյա Թաշչյանը և EVN Report-ի գլխավոր խմբագիր Մարիա Թիթիզյանը մտորում են այս հարցերի շուրջ:

Թարգմանությունը տարածք է` լեզուների, ինքնության, մշակույթների տարածք, որտեղ առերեսվում են հեղինակն ու թարգմանիչը: Գրող, թարգմանիչ Շուշան Ավագյանը Ռուբինա Մարկոսեանի հետ զրուցում է թարգմանչի մտորումների, փորձառության, անձնական տարածքի, տեքստերի հետ հարաբերությունների մասին:

EVN Report-ի ամսագրի չորրորդ թողարկման փոդքասթը Խորհրդային Հայաստանի մասին է. Հումանիտար հետազոտությունների հայկական կենտրոնի նախագահ փիլիսոփա Աշոտ Ոսկանյանը անդրադառնում է մեր պատմության մեջ Խորհրդային Հայաստանի նշանակության, այդ ժամանակաշրջանի առանձնահատկություններին, հասարակկան տրամադրություններին եւ սոցիալիստական հանրապետության զարգացումների հայկական յուրօրինակությանը:

Արցախյան երկրորդ պատերազմն ավելի քան կարևորեց անվտանգության ոլորտում բացթողումները վերացնելու հրատապությունը։ Հայաստանն առավելագույնը հինգ տարի ունի՝ մինչև Արցախում ռուս խաղաղապահների մանդատի ավարտը, անվտանգության իր ճարտարապետությունը վերակազմակերպելու համար։ Մեր ամսագրի երրորդ թողարկման փոդքասթում, «Անվտանգություն» խորագրով հունվարյան թողարկման հոդվածների հեղինակները խոսում են Հայաստանի տարբեր ոլորտներում անվտանգության առաջ ծառացած խնդիրների մասին։ Մասնակցությամբ՝ Լուսինե Սարգսյանի՝ 01:02 - 05:20 Արթուր Պապյանի՝ 05:20 - 12:13 Իրինա Ղափլանյանի ՝ 12:13 - 26:18 Ելենա Վարդանյանի՝ 26:18 - 32:24 Հովհաննես Նազարեթյանի՝ 32:24 - 35:56