Շարունակենք խոսել

«Բուն» գիտամշակութային հիմնադրամի համահիմնադիր Գեմաֆին Գասպարյանը խոսում է Բուն TV-ի գործունեության, ապագա նախաձեռնությունների, հայկական լրատվական դաշտի թերությունների ու անելիքների, Հայաստանում բանավեճի մշակույթ ձևավորելու, ինչպես նաև քաղաքացիների հասարակություն ունենալու անհրաժեշտության մասին:

Աշխարհագրագետ, քարտեզագետ Ռուբեն Գալիչյանը խոսում է Հայաստանի և Ադրբեջանի` Խորհրդային Միության կազմում գտնվելու ժամանակ գծված սահմանների, Խորհրդային Միության ղեկավարների սահմանային քաղաքականության, Կարմիր Քուրդիստանի չեղարկված ծրագրի և դրա պատճառած տարածքային կորուստների, անկլավների առաջացման և այլնի մասին:

2020 թվականի Արցախյան երկրորդ պատերազմում կրած ծանր պարտությունը և ներքաղաքական իրավիճակը շարունակում են հասարակությանը պահել ծայրահեղ հուզական վիճակում: Այսօր դեռևս պատերազմի սուգից դուրս չեկած հասարակությունը առերեսվում է արտահերթ խորհրդարանական ընտրությունների, որի անկանխատեսելի հետևանքները կարող են լուրջ ազդեցություն ունենալ Հայաստանի ներկայիս ժողովրդավարության վրա: Քաղաքագետ, Հայաստանի ամերիկյան համալսարանի դասախոս Եվգենյա Պատուրյանը խոսում է հասարակության հուզական վիճակի և երկրի քաղաքական դաշտի, ժողովրդավարության, ինչպես նաև քաղաքացիների` արտահերթ խորհրդարանական ընտրություններին մասնակցելու կարևորության մասին:

Մայիսի 13-ից ի վեր Հայաստանի Հանրապետության տարածք անօրինական կերպով հատած Ադրբեջանական զինված ուժերը մինչ օրս գտնվում են Սյունիքի և Գեղարքունիքի մարզերի որոշակի հատվածներում: Չնայած որ Հայաստանը պաշտոնապես դիմել է ՀԱՊԿ-ին` ստեղծված իրավիճակին համապատասխան լուծում տալու նպատակով, իրադրությունը սահմանին շարունակում է լարված մնալ: Միջազգային իրավունքի մասնագետ, փաստաբան Արա Ղազարյանը խոսում է ստեղծված իրավիճակում արևմտյան երկրների արձագանքի, Ադրբեջանի վարած քաղաքականության, ՄԱԿ-ի անվտանգության խորհրդին դիմելու և սահմանին հնարավոր զարգացումների մասին:

Դիտորդական առաքելությունը արդար ընտրություններ ապահովելու կարևոր գործիքներից մեկն է: Հայաստանում գործող Թրանսփարենսի Ինթերնեշնլ հակակոռուպցիոն կազմակերպությունը 2021թ․ ԱԺ արտահերթ ընտրություններին ընդառաջ «Ականատես» նախաձեռնությամբ մեկնարկում է հերթական դիտորդական առաքելությունը, որի նպատակն է նպաստել թափանցիկ և արդար ընտրությունների անցկացմանը: Կազմակերպության դիտորդական առաքելության համակարգող Մարիամ Հովեյանը խոսում է դիտորդների հավաքագրման, վերապատրաստման, գործառույթների, ինչպես նաև «Ականատես» նախաձեռնության մասին:

2020 թվականի 44-օրյա պատերազմի ընթացքում հայ հասարակությունը սկսեց կարևորել ինքնապաշտպանության, առաջին բուժօգնության հմտություններին տիրապետելը: Այդ շրջանում, «Ողջ մնալու արվեստ» կազմակերպությունը միանգամից մոբիլիզացրեց իր ռեսուրսները և ամենօրյա ռեժիմով դասընթացներ սկսեց` տարբեր տարիքի և սեռի քաղաքացիների համար: ՈՄԱ կազմակերպության հիմնադիր ղեկավար, հետախույզ Վովա Վարդանովը խոսում է հայ հասարակությանն ավելի մարտունակ դարձնելու և ռազմական ոլորտում հմտությունների և գիտելիքների արդիականացման կարևորության մասին:

Ծածկել հայելիները, երեք անգամ պտտել դագաղը և այսպես շարունակ: Հայ հասարակության մեջ խորապես արմատացած հուղարկավորության և թաղման ծեսերը ժամանակի ընթացքում փոփոխվում են և այսօր ավելի մոդեռնիստական միտում ունեն: Մարդաբան Սմբատ Հակոբյան խոսում է Հայաստանում թաղման և հուղարկավորության ծեսի, սովորույթների և դրանց միջոցով հայ հասարակությունն ընկալելու մասին:

Վավերագրող լուսանկարիչ Նազիկ Արմենակյանը խոսում է իր` վերջերս հրապարակած «Կարմիր Սև Սպիտակ» ֆոտոպատումի մասին, որը ներկայացնում է ՄԻԱՎ-ով վարակված չորս կանանց պատմությունները: 2021 թ. մարտի դրությամբ Հայաստանում գրանցվել է ՄԻԱՎ վարակի 4217 դեպք, որոնցից 1292` իգական սեռի ներկայացուցիչների մոտ, ովքեր վարակվում են մեծամասամբ իրենց ամուսիններից: Չնայած որ արևմուտքում հիվանդության հանդեպ ընկալումը թերևս վաղուց փոխվել է` Հայաստանյան թեման շարունակում է մանալ տաբու:

Հայոց Մեծ Եղեռնի ժամանակ հազարավոր արևմտահայ կանայք ենթարկվեցին բռնության, իսկ նրանցից շատերը հայտնվեցին մահմեդական ընտանիքներում: Ցեղասպանությունից որոշ ժամանակ ստեղծված փրկության կոմիտեները սկսեցին գտնել այդ կանանց և վերադարձնել հայ հասարակություն: Որքան էլ որ կարևոր էր ոտքի կանգնեցնել հայ ազգը, ցեղասպանության արհավիրքից դեռևս չապաքնիված կանանից շատերի համար ապագան պարտադրեց ևս մեկ վերապրում: Ցեղասպանագետ, Վարդան Գրեգորյանի անվան կրթաթոշակակիր Աննա Ալեքսանյանը խոսում է հայ հասարակություն վերադարձած կանանց, պարտադրված ամուսնությունների և դրանից բխող խնդիրների մասին:

Գրող, ԵՊՀ դասախոս, դոցենտ Թերեզ Ամրյանը խոսում է իր` վերջերս հրատարակված «Այն եզդի կնոջ ճամպրուկը» գրքի, եզդիների մշակույթի, ինքնության, կրոնի, ինչպես նաև Հայաստանում եզդիական համայնքի մասին: