Փոդքաստ

Սփյուռքահայ լրագրող, հետազոտող «Գաղտնի ազգ․ Թուրքիայի ծպտյալ հայերը» գրքի հեղինակ Ավեդիս Հաջյանը խոսում է Թուքիայի ծպտյալ հայերի մասին գրքի, նրանց կարգավիճակի և հայատյաց հասարակության մեջ ապրելու դժվարությունների, ինքնության որոնումների և կենցաղի միջոցով ավանդույթների և ինքնության վերաբացահայտման մասին։

EVN Report-ի ամսագրի չորրորդ թողարկման փոդքասթը Խորհրդային Հայաստանի մասին է. Հումանիտար հետազոտությունների հայկական կենտրոնի նախագահ փիլիսոփա Աշոտ Ոսկանյանը անդրադառնում է մեր պատմության մեջ Խորհրդային Հայաստանի նշանակության, այդ ժամանակաշրջանի առանձնահատկություններին, հասարակկան տրամադրություններին եւ սոցիալիստական հանրապետության զարգացումների հայկական յուրօրինակությանը:

Հայաստանում Կանանց Հիմնադրամի և Կանանց Ռեսուրսների կենտրոնի համահիմնադիր Գոհար Շահնազարյանը խոսում է պատերազմի ժամանակ Արցախի և Հայաստանի սահմանամերձ համայքներում ապրող կանանց և պատերազմի հետևանքով նրանց ուսերին ծանրացած բազմաթիվ խնդիրների, դրանց հնարավոր լուծումների, ինչպես նաև կենտրոնների տրամադրած հրատապ հոգեբանական և սոցիալական աջակցության և նոր ծրագրերի մասին։

EVN Report-ի փոդքասթում խմբագիր Ռուբինա Մարկոսեանը Հետք Մեդիա գործարանիթիմի աշխատանքների ղեկավար Անի Հովհաննիսյանի, վիդեոլրագրություն դասախոս Սոնա Քոչարյանի և գործարանի ուսանող Միլենա Բարսեղյանի հետ զրուցում է Հետք Մեդիա գործարան ստեղծելու գաղափարի, դասավանդվող առարկաների, համալսարաններում լրագրության ֆակուլտետների տված գիտելիքների և ներկա մեդիադաշտի պահանջարկների տարբերության, ինչպես նաև Հայաստանում որակյալ մեդիա մասնագետներ պատրաստելու և լրագրողական կրթությունն էլ ավելի որակյալ դարձնելու կարևորության մասին։

EVN Report-ի փոդքասթում խմբագիր Ռուբինա Մարկոսեանը «Հելսինկյան ասոցիացիա» իրավապաշտպան ՀԿ-ի նախագահ Նինա Կարապետյանցի և «Լրագրողներ հանուն մարդու իրավունքների» ՀԿ ղեկավար Ժաննա Ալեքսանյանի հետ զրուցում է քաղհասարակության ներուժի, առաջարկվող ճանապարհային քարտեզի, պետություն – քաղաքացիական հասարակություն երկխոսության անարդյունավետության, գերիների և սահմանազատման խնդիրների ինչպես նաև այլ առաջնահերթությունների և դրանց հնարավոր լուծումների մասին։

Արցախյան երկրորդ պատերազմն ավելի քան կարևորեց անվտանգության ոլորտում բացթողումները վերացնելու հրատապությունը։ Հայաստանն առավելագույնը հինգ տարի ունի՝ մինչև Արցախում ռուս խաղաղապահների մանդատի ավարտը, անվտանգության իր ճարտարապետությունը վերակազմակերպելու համար։ Մեր ամսագրի երրորդ թողարկման փոդքասթում, «Անվտանգություն» խորագրով հունվարյան թողարկման հոդվածների հեղինակները խոսում են Հայաստանի տարբեր ոլորտներում անվտանգության առաջ ծառացած խնդիրների մասին։

EVN Report-ի փոդքասթում խմբագիր Ռուբինա Մարկոսեանը ԱԺ «Իմ Քայլը» խմբակցության պատգամավոր Մարիա Կարապետյանի հետ զրուցում է պատերազմի հետևանքով երկրում ստեղծված իրավիճակի, ռազմագերիների և գերիների փոխանակման հրատապ խնդրի, Հայաստանի և Ադրբեջանի միջև նոր սահմանազատման, բանակցային գործընթացի, պետության կողմից հանրությանը տրամադրած սահմանափակ տեղեկատվության և դրանից բխող խնդիրների, քաղաքացիական հասարակության դիրքորոշման և այլնի մասին։ 

EVN Report-ի փոդքասթում խմբագիր Ռուբինա Մարկոսեանը «Պարադիգմա» կրթական հիմնադրամի համահիմնադիր Նարեկ Մանուկյանի հետ զրուցում է հիմնադրամի կողմից ստեղծված պատմություն առարկայի դասավանդման նոր ուղեցույցի, Հայաստանի կրթական համակարգում պատմության ուսուցման մեթոդները փոփոխելու կարևորության, դպրոցներում քննադատական մտածողության զարգացման անհրաժեշտության և այլնի մասին։ 

Սեպտեմբերի 27-ի վաղ առավոտյան, երբ Ադրբեջանը սկսեց լայնածավալ ռազմական գործողությունները Արցախի խաղաղ բնակավայրերի ուղղությամբ, հազարավոր ընտանիքներ ստիպված եղան անհապաղ լքել իրենց տներն ու տեղափոխվել առավել ապահով բնակավայրեր։ Կրակոցները լսվում էին համարյա ամենուր. Արցախում մնալն այլևս անվտանգ չէր։ Ռազմական գործողությունները սկսվելուն պես, Տող գյուղի բնակիչ 71-ամյա Ժորա Պողոսյանը կնոջ, երկու տղաների ընտանիքների և մի քանի հարևաններին մեծ մեքենայով անհապաղ տեղափոխեց Հայաստան ետևում թողնելով տունը, հարազատ գյուղը և տարիների ընթացքում քրտնաջան աշխատանքով ստեղծած մեծ տնտեսությունը։Պողոսյանները կորցրեցին ամեն ինչ։ Մեր ամսագրի երկրորդ թողարկման փոդքասթը նվիրված է բոլոր մարդկանց իրավունքներին: Նոյեմբերի 10-ի Հայաստանի, Ռուսաստանի և Ադրբեջանի եռակողմ համաձայնության արդյունքում Հադրութի շրջանի զգալի մասն անցավ Ադրբեջանի վերահսկողության տակ՝ այդ թվում նաև Տող գյուղը։ Փոդքասթում Պողոսյանները խոսում են հարազատ Տող գյուղի ակտիվ առօրյայի, սովետական միության տարիներին հայերի և ադրբեջանցիների համակեցության, Ադրբեջանի վարած հակահայ քաղաքականության, Արցախյան առաջին և Ապրիլյան պատերազմների, ինչպես նաև հայրենի հող վերադառնալու ցանկության և անորոշ թվացող ապագայի մասին։

EVN Report-ի փոդքասթում խմբագիր Ռուբինա Մարկոսեանը արձակագիր, Եվրասիա համագործակցության հիմնադրամի տնօրեն Գևորգ Տեր-Գաբրիելյանի և դասախոս, գրականագետ և  թատերական գործիչ Անահիտ Արամունի Քեշիշյանի հետ զրուցում է ԵՀՀ կազմակերպած ստեղծագործական-խորհրդանշական մրցույթի, բռնադատվածների հիշատկի օրը կարևորելու, սովետի քաղաքացու արժանապատվության, վարքային մշակույթի և այլնի մասին։