Մարդ և հասարակություն

Երբ բակն ամայանում է, երեխան կորցնում է ոչ միայն խաղալու տեղը, այլև աշխարհի հետ չմիջնորդավորված, կենդանի հարաբերությունը։ Մի ոտանի սև սատանայից մինչև զիլինա, հավալա ու հալամուլա բակային խաղերի դերը վերլուծելով՝ ֆոտոպատմությունը ցույց է տալիս, որ ժամանակակից քաղաքային միջավայրում վերահսկվող մանկությունը նվազագույնի է հասցնում ինքնաբուխ համայնական փորձը։

Պատերազմի անավարտ խոսակցությանը մոտենալու փորձ է արել լուսանկարիչ Վաղինակ Ղազարյանը՝ իր ֆոտոպատմության հերոսներին՝ 44-օրյա պատերազմի մասնակիցներին, անավարտ հարցեր տալով՝ վերհանել պատերազմի թողած հետքը։

Հակադրվելով մտքին, որ մայրության արձակուրդում կամ պաշտոնական աշխատանք չունեցող մայրերը «տնտեսապես ոչ ակտիվ» են, Հասմիկ Սողոմոնյանն անդրադառնում է Հայաստանում խնամքին ուղղված անտեսանելի ոլորտին ու պնդում, որ չվճարվող այս աշխատանքն ու վաղ մանկության զարգացումը կենսական ներդրումներ են, որոնք ապահովում են ընտանիքների, հասարակության և տնտեսական աճի երկարաժամկետ կայունությունը։

Հայաստանում, որտեղ մայրությունը սրբացվում է ու ակնկալվում անձնազոհություն, աուտիզմ ունեցող երեխա մեծացնելը բացահայտում է մշակութային կատարելությունների և իրական կյանքի միջև անդունդը: Անի Պողոսյանի անդրադարձը այն անտեսանելի աշխատանքին, որ անում են մայրերը՝ պայքարելով մի համակարգում, որը դեռ պատրաստ չէ նրանց տեսնել:

Գրեթե կես դար անց էլ «Արարատ-73-ը» մեծ տեղ է զբաղեցնում Հայաստանի հավաքական հիշողության մեջ։ Լինելով ավելին, քան պարզապես ֆուտբոլային հաղթանակ՝ թիմը «ծիրանային սոցիալիզմի» պայմաններում մարմնավորեց ազգային հպարտությունը՝ համակցելով խորհրդային համակարգն ու հայկական ինքնությունն ու թողեց կարոտ, մշակույթ ու պատկանելության զգացում:

Կապանում գործող իր տեսակի մեջ եզակի տպարանը ներառման հազվադեպ ձևաչափ է առաջարկում։ Սոցիալական ձեռնարկությունը նախկին դատապարտյալների համար կայուն աշխատանքի հնարավորություն է ստեղծել՝ օգնելով նրանց վերագտնել հասարակության հետ կապերն ու ձերբազատվել դատապարտյալի խարանից։

Քաղաքաշինության ծիրում կորած Դալմայի այգիների վերջին պատառիկների հիշողություններին ու այլակերպվող Երևանին է անդրադառնում Վաղինակ Ղազարյանը։

Ի՞նչ ծառայություններ է ներառում պետության կողմից երաշխավորված անվճար և արտոնյալ պայմաններով բժշկական օգնությունն ու սպասարկումը և ովքե՞ր կարող են օգտվել, ի՞նչ խնդիրներ ունի համակարգն ու ո՞րն է տեսլականը։

Ֆիրդուսի ճարտարապետությունը ոչ միայն ժողովրդական էր, այլև՝ արդյունք էր պայմանավորվածությունների, համակեցության և համաստեղծարարության։ Ֆիրդուսի յուրաքանչյուր տան ավերումը վնասում է ոչ միայն առանձին կետին, այլև՝ Ֆիրդուսի ողջ մարմնին ու հիշողության տարածական ցանցին։

Կառավարությունն ավելացրել է հուշարձանների վերականգնմանը, պահպանմանը հատկացվող ֆինանսավորումը, ծրագրվում են նաև հանրահռչակմանն ուղղված քայլեր, սակայն, ոլորտում առկա խնդիրներն ավելի բազմազան են։