Արցախյան երկրորդ պատերազմն ավելի քան կարևորեց անվտանգության ոլորտում բացթողումները վերացնելու հրատապությունը։ Հայաստանն առավելագույնը հինգ տարի ունի՝ մինչև Արցախում ռուս խաղաղապահների մանդատի ավարտը, անվտանգության իր ճարտարապետությունը վերակազմակերպելու համար։ Մեր ամսագրի երրորդ թողարկման փոդքասթում, «Անվտանգություն» խորագրով հունվարյան թողարկման հոդվածների հեղինակները խոսում են Հայաստանի տարբեր ոլորտներում անվտանգության առաջ ծառացած խնդիրների մասին։

EVN Report-ի փոդքասթում խմբագիր Ռուբինա Մարկոսեանը ԱԺ «Իմ Քայլը» խմբակցության պատգամավոր Մարիա Կարապետյանի հետ զրուցում է պատերազմի հետևանքով երկրում ստեղծված իրավիճակի, ռազմագերիների և գերիների փոխանակման հրատապ խնդրի, Հայաստանի և Ադրբեջանի միջև նոր սահմանազատման, բանակցային գործընթացի, պետության կողմից հանրությանը տրամադրած սահմանափակ տեղեկատվության և դրանից բխող խնդիրների, քաղաքացիական հասարակության դիրքորոշման և այլնի մասին։ 

EVN Report-ի փոդքասթում խմբագիր Ռուբինա Մարկոսեանը «Պարադիգմա» կրթական հիմնադրամի համահիմնադիր Նարեկ Մանուկյանի հետ զրուցում է հիմնադրամի կողմից ստեղծված պատմություն առարկայի դասավանդման նոր ուղեցույցի, Հայաստանի կրթական համակարգում պատմության ուսուցման մեթոդները փոփոխելու կարևորության, դպրոցներում քննադատական մտածողության զարգացման անհրաժեշտության և այլնի մասին։ 

Սեպտեմբերի 27-ի վաղ առավոտյան, երբ Ադրբեջանը սկսեց լայնածավալ ռազմական գործողությունները Արցախի խաղաղ բնակավայրերի ուղղությամբ, հազարավոր ընտանիքներ ստիպված եղան անհապաղ լքել իրենց տներն ու տեղափոխվել առավել ապահով բնակավայրեր։ Կրակոցները լսվում էին համարյա ամենուր. Արցախում մնալն այլևս անվտանգ չէր։ Ռազմական գործողությունները սկսվելուն պես, Տող գյուղի բնակիչ 71-ամյա Ժորա Պողոսյանը կնոջ, երկու տղաների ընտանիքների և մի քանի հարևաններին մեծ մեքենայով անհապաղ տեղափոխեց Հայաստան ետևում թողնելով տունը, հարազատ գյուղը և տարիների ընթացքում քրտնաջան աշխատանքով ստեղծած մեծ տնտեսությունը։Պողոսյանները կորցրեցին ամեն ինչ։ Մեր ամսագրի երկրորդ թողարկման փոդքասթը նվիրված է բոլոր մարդկանց իրավունքներին: Նոյեմբերի 10-ի Հայաստանի, Ռուսաստանի և Ադրբեջանի եռակողմ համաձայնության արդյունքում Հադրութի շրջանի զգալի մասն անցավ Ադրբեջանի վերահսկողության տակ՝ այդ թվում նաև Տող գյուղը։ Փոդքասթում Պողոսյանները խոսում են հարազատ Տող գյուղի ակտիվ առօրյայի, սովետական միության տարիներին հայերի և ադրբեջանցիների համակեցության, Ադրբեջանի վարած հակահայ քաղաքականության, Արցախյան առաջին և Ապրիլյան պատերազմների, ինչպես նաև հայրենի հող վերադառնալու ցանկության և անորոշ թվացող ապագայի մասին։

EVN Report-ի փոդքասթում խմբագիր Ռուբինա Մարկոսեանը արձակագիր, Եվրասիա համագործակցության հիմնադրամի տնօրեն Գևորգ Տեր-Գաբրիելյանի և դասախոս, գրականագետ և  թատերական գործիչ Անահիտ Արամունի Քեշիշյանի հետ զրուցում է ԵՀՀ կազմակերպած ստեղծագործական-խորհրդանշական մրցույթի, բռնադատվածների հիշատկի օրը կարևորելու, սովետի քաղաքացու արժանապատվության, վարքային մշակույթի և այլնի մասին։

EVN Report-ի փոդքասթում խմբագիր Ռուբինա Մարկոսեանը Սաղսարա նախագծի պրոդյուսեր Անուշ Քոչարյանի և հաղորդակցության պատասխանատու Անժելա Գրիգորյանի հետ զրուցում է նախագծի, հայկական գյուղերում թաքնված երգերի, մշակույթի, գյուղացիների հետ հարաբերությունների, նախագծի արձագանքի և այլնի մասին։

EVN Report-ի փոդքասթում խմբագիր Ռուբինա Մարկոսեանը հայկական առաջին ֆեմինիստական փոդքասթի հիմնադիրներ Գոհար Խաչատրյանի և Անահիտ Ղազարյանի հետ զրուցում է Ականջօղ փոդքասթի, ֆեմինիզմի, լսարանի արձագանքի, փոդքասթերների համագործակցության և այլնի մասին։ 

Դարեր շարունակ գյուղատնտեսությունը եղել է հայ ժողովրդի կյանքի անբաժան մասը։ Երկրագործությամբ և անասնապահությամբ զբաղվող հայերն իրենց կենցաղը, ավանդույթներն ու ծեսերը հյուսել են գյուղատնտեսական առօրյայի շուրջ՝ սերունդներին փոխանցելով ահռելի ազգագրական ժառանգություն։ Մեր նորաստեղծ ամսագրի առաջին փոդքասթը հայ ժողովրդի կյանքում գյուղատնտեսության կարևորության, ավանդույթների և աշխատանքային երգերի մասին է։

Մարիամ և Երանուհի Ասլամազյանները Սովետական Հայաստանի ամենաճանաչված կին արվեստագետներից են։ Իրենց ստեղծագործական ուղու ընթացքում քույրերը արվեստի աշխարհում մի շարք կարծրատիպեր կոտրեցին՝ հետագա սերունդներին թողնելով մեծ ժառանգություն։Մարիամ և Երանուհի Ասլամազյանները Սովետական Հայաստանի ամենաճանաչված կին արվեստագետներից են։ Իրենց ստեղծագործական ուղու ընթացքում քույրերը արվեստի աշխարհում մի շարք կարծրատիպեր կոտրեցին՝ հետագա սերունդներին թողնելով մեծ ժառանգություն։

EVN Report-ի փոդքասթում խմբագիր Ռուբինա Մարկոսեանը մշակութային մարդաբան, պատմական գիտությունների թեկնածու Գայանե Շագոյանի հետ զրուցում է վերջինիս մեծածավալ «Յոթ օր, յոթ գիշեր. հայոց հարսանիքի համայնապատկեր» աշխատության, հայկական ավանդական հարսանիքի, տարբեր ծեսերի և ավանդույթների, ավանդական հայկական ընտանիքներում սեռական դաստիրարակության առկայության և այլնի մասին։