Իսկ Դուք գիտե՞ք կամ հիշու՞մ եք, թե ինչպիսին էր Նոր Տարվա անցուդարձը 1990-ականների մութ, ցուրտ, բայց մարդկային անսպառ ջերմությամբ լի Հայաստանում։ Մեր ամանորյա հատուկ փոդքասթը նորանկախ Հայաստանի անլույս, անգազ ու անջուր առօրյայի, ամանորյա պատրաստությունների, Ֆուջիկա վառարանների, մայրաքաղաքային աղցանի, դրսից եկած նվերվերի, և իհարկե մանդարինի մասին։

EVN Report-ի փոդքասթում խմբագիր Ռուբինա Մարկոսեանը Թանգարանների միջազգային խորհրդի Հայաստանի ազգային կոմիտեի նախագահ Անի Ավագյանի հետ զրուցում է արտակարգ դրության ժամանակ հայաստանյան թանգարանների գործունեության, խնդիրների, նորարարությունների կարևորության, թանգարանների աշխատակիցների վերապատրաստման և այլնի մասին։

EVN Report-ի փոդքասթում խմբագիր Ռուբինա Մարկոսեանը լրագրող Արշալույս Բարսեղյանի հետ զրուցում է ներկայիս մեդիադաշտի, կեղծ և մանիպուլացնող լուրերի, համաճարակային իրականությունում լրատվության և այլնի մասին։  

EVN Report-ի փոդքասթում խմբագիր Ռուբինա Մարկոսեանը Հայաստանի ազգային կինոկենտրոնի ֆիլմերի հանձնակատար Մելիք Կարապետյանի հետ զրուցում է Կաննի փառատոնի ծրագրում ընդգրկված հայկական ֆիլմի, այլ երկրների հետ համատեղ արտադրության կարևորության, հայկական կինոլորտի դժվարությունների և այլնի մասին։ 

EVN Report-ի խորհրդի անդամ, երաժիշտ և պոետ Արթո Վաունը սփյուռքահայ գրող Գրիգոր Պըլտեանի հետ զրուցում է հայ արդի գրականության, երիտասարդ հայ գրողների, հայկական գրական աշխարհի դժվարությունների, Պըլտյանի գրական ուղու և այլնի մասին։ 

EVN Report-ի փոդքասթում խմբագիր Ռուբինա Մարկոսեանը «Ուրբանիստա» հարթակի համահիմնադիրներ Գայանե Միրզոյանի և Անահիտ Մինասյանի հետ զրուցում է նախագծի, Հայաստանի հետարդյունաբերական քաղաքների, դրանց խնդիրների, հնարավորությունների և այլնի մասին։

EVN Report-ի փոդքասթում մի խումբ մայրիկների խնդրեցինք պատմել, թե կորոնավիրուսի համավարակով պայմանավորված արտակարգ իրավիճակի ընթացքում ինչպե՞ս են կարողանում համակարգել տնից աշխատանքը, երեխաների խնամքը, նրանց դասերը, զբաղմունքը և կենցաղային հարցերը։  Շնորհակալություն Անի Ավագյանին, Արմինե Ավանեսյանին, Հերմինե Տոնոյանին, Մարիա Մարտիրոսյանին, Թալին Թորոսյանին և Լիլիթ Իգիթխանյանին։ 

EVN Report-ի փոդքասթում խմբագիր Ռուբինա Մարկոսեանը բանասիրական գիտությունների թեկնածու, դոցենտ Սիրանուշ Դվոյանի հետ զրուցում է Գուլագի և դրա հայալեզու գեղարվեստական վերարտադրության,Գուլագում անհատի փորձառության, աշխատանքի գաղափարի, մեր առօրյայում ճամբարային կյանքի արտացոլման և այլնի մասին։

EVN Report-ի փոդքասթում խմբագիր Ռուբինա Մարկոսեանը մատենագետ, ազգագրագետ, Հայ մատենագրութեան թուանշանային գրադարանի ծրագրերի ղեկավար Մերուժան Կարապետեանի հետ զրուցում է հայոց լեզվի ուղղագրության, հայ գրականության ժառանգության, դրա արդիականության, թվայնացման կարևորության  և այլնի մասին։

Այս շաբաթ առաջարկում ենք լսել Սոնա Մարտիրոսյանի` «Սեքսուալ դիսկուրս. խոսել անխոսելիի մասին» հոդվածի աուդիո տարբերակը։  Հայ հասարակական համերաշխությունը խաթարելու փորձված մեթոդներ կան: Դրանցից մեկը սեքսն է: Հասարակական դիսկուրսում սեքսը հակադրվում է գրեթե ամեն ինչին` կրոնին, սիրուն, ավանդական արժեքներին, անգամ հայրենիքին: Այս համատեքստում ստիպված եմ գուժել՝ Հայաստանում սեքս կա, և դա նորմալ է: Հոդվածը կարդում է Լուսինե Սարգսյանը։